రెండు బైక్‌ల ఢీ.. యువకుడి మృతి
దిశ, భైంసా: భైంసా - బాసర రహదారిపై బుధవారం రాత్రి జరిగిన రోడ్డు ప్రమాదంలో యువకుడు మృతిచెందాడు. పోలీసులు, స్థానికుల కథనం ప్రకారం.. భైంసా మండలం కుంసర గ్రామానికి చెందిన ముకేష్ రెడ్డి, ఆకాష్ ద్విచక్ర వాహనంపై తమ పనులు ముగించుకొని స్వగ్రామానికి వెళ్తున్నారు. భైంసాకు చెందిన షేక్ సోహెల్, ఖలీద్ పర్వేజ్‌లు దెగాం నుండి భైంసాకు బైక్‌పై వస్తున్నారు. ఈ క్రమంలో పట్టణ సమీపంలోని హరియాలి పెట్రోల్ పంప్ వద్ద ఇరువురి ద్విచక్ర వాహనాలు ఎదురెదురుగా ఢీకొన్నాయి. దీంతో రెండు బైక్‌లపై ఉన్న వారికి తీవ్ర గాయాలయ్యాయి. గమనించిన స్థానికులు 108 కు సమాచారం అందించి భైంసా ఏరియా ఆసుపత్రికి తరలించారు. పరిస్థితి విషమంగా ఉండడంతో వైద్యుల సూచనల మేరకు మెరుగైన వైద్యం కోసం నిజామాబాద్‌కు తరలించారు. అక్కడ చికిత్స పొందుతూ కుంసర గ్రామానికి చెందిన ఆకాష్(20) గురువారం ఉదయం మరణించాడు. సంఘటన స్థలాన్ని పరిశీలించిన పోలీసులు కేసు నమోదు చేసుకుని దర్యాప్తు చేస్తున్నట్లు తెలిపారు.
Also Read..
నాగర్ కర్నూల్: లింగాల మండల ఎస్సీ హాస్టల్ లో వార్డెన్ అరాచకం..
